لشکرعشقه عشق اولا

نطفه سی پاک اولانلارا جبهه لرین صفاسی وار

عصرین امامی اوردادی  رونق کربلاسی وار

حفظ حریمه عشقیده محکم اولوب اراده لر

حجله نی ترک ایدودب دوشوب چوللر پاکزاده لر

درس شهادت ئورگدور اوغلونا  خانواده لر

خط حسیندور بو یول اوندا  خدا رضاسی وار

 

جبهه عشقه مدعی عزم  ایلیوب جلاله باخ

صحنه امتحانه باخ  مرحله کمال باخ

قانه باتان جماله باخ  عزت باخ  مدال باخ

قانیله باشدا  انولارون  افسر پربهاسی وار

 

رسمیدی پربلا اولی  عشق یولی  ولی یولی

عاشق  وصله  باغلاماز  رهبر  باوفا  یولی

گل آقا یابن العسکری  قانلیدی کربلا یولی

ایله نظر بو یولارا  گور نه گوزل  نماسی وار

 

صادق حسینی لر دیور  حی مجالس ایلروق

عشق شهادتین حسین  قلبده مونس  ایلروق

تپراقین اوسته آغلاروق سنگری مجلس  ایلروق

دلده بلا سپاهینون کلمه  للولاسی وار

 

ارتش حقه مرحبا  لشکر عشقه  عشق  اولا

محفل نوره حبذا  سنگر عشقه  عشق  اولا

ساقی وصله آفرین  ساغر عشقه  عشق  اولا

شهد شهادت ایچسه کیم  حشره کیمی  بقاسی وار

 

شکر اولا حی قادره غملر صابروق  هله

منطقه مرتجع لرین یخماقا  قادروق  هله

کوردی دشمنین گوزی صحنه ده حاضروق  هله

صحنه ده حاضر امتین  وحدته  انعکاسی وار

 

جبهیه چوخ  جوان گیدر عمری اولار خزان گلر

نعشی قالوب آناسینا کوینگی ارمغان گلر

هی باجیسی دیر آنا صبرا یله قان آلان گلر

منتقم زمانده دردیمیزون دواسی وار

 

فاطمه اوغلو هارداسان  شیعه لرین  عزالیدی

جبهه دی کمکلرون باشلار چوخ بلالیدی

بعضی لری شهید اولوب بعضی لری یارالیدی

نعشی تاپلمیانلارین غصه لی ماجراسی وار

 

داده حسینی سسلین دللره جانیمیز فدا

منظره شهادتین جلوه و انجلاسی وار

قافله محبته یولداش اولان سفرده دی

روح خدا دیور گدون دین خدا خطرده‌‌ دی

 

اوغلی شهید اولانلارون گوزلری جبهه لرده دی

دلده شهید آناسنون ناله سی وار نواسی وار

استاد ولی الله کلامی

سال ۱۳۶۲

 

قبلی «
بعدی »

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

*

code