گل ای صاحب الزمان الله ایونده
توکوب ظلم اهلی قان الله ایونده
زیارت موسمی ذی الحجه آیی
اولوب حجاجه ظلبم و بی وفایی
سعودی قومی حکام کذایی
ایدوب کفرین عیان الله ایونده
کیمون دوشسه یولی بیت خدایه
حریم کعبه ده سعی و صفایه
گورر اوردا گلور یر گوی نوایه
ویروب عشق اهلی جان الله ایونده
آدین یابن الحسن ورد زباندی
یولون سال مکیه مولا اماندی
حجونین کورپوسی بیر پارچا قاندی
وار ئوزگه داستان الله ایونده
محبت باغی مهدی جان سالوبدی
قزیل گوللرسولوب دللر دولوبندی
اماندی امن ایوی ناامن اولوبدی
که خلق یوخ امان الله ایونده
الوب تیر بلایه دللر آماج
اساس ملک توحید اولدی تاراج
بوروندی قرمزی احرامه حجاج
ویروبلر امتحان الله ایونده
نچه یوزمین جماعت دلده تکبیر
گلوله آلتدا چکدی آه دلگیر
توکولدی حزب شیطان الده شمشیر
باش آچدی قدسیان الله ایونده
سلام ای حافظ آیین مکه
اولوب معبرده قان آذین مکه
شهید جمعه خونین مکه
ویروب جان باغری قان الله ایونده
یخلدی مادران داغدیده
آنیدی بعضی سی اوچ دورت شهیده
دییردی گل اوغول ای نور دیده
ئولور مظلوم آنان الله ایونده
ایاق آلتندا قالدی اهل ایمان
یارالی حالدا جانبازلار پریشان
اوگون مهمانی ایتدی سنگباران
وفاسیز میزبان الله ایونده
اینانما کیم امین بیلسه عنودی
دیسه یوخ آل بوسفیان وجودی
نشان ویرم اونا آل سعودی
نه چوخدی ساربان الله ایونده
او یر که امن یردور عالمینه
اولوب ناامین فخر قبلتینه
ایدوبلر توطئه قتل حسینه
داریخدی میهمان الله ایونده
حسیندن کعبه حجاجی خجلدی
حسین سیز کعبه والله سنگ و گلدی
منه باخسون دیدی کیم اهل دلدی
صفادن یوخ نشان الله ایونده
الا ای حاجیان کل عالم
آچون احراموزی گلدی محرم
اولاخ کرب و بلا زواری با هم
بیزه یوخ آشیان الله ایونده
علی اوغلی قبول دلت ایتمز
یالان تبلیغ لردن وحشت ایتمز
حسین هرگز یزیده بیعت ایتمز
قاچوب اولماز نهان الله ایونده
گواه اول ایمقدس بیت ذوالمن
خطردن اولمادیم کویونده ایمن
خداحافظ بویردن دویمادیم من
اولوب اشکیم روان الله ایونده
دالیمجا اغلاما ای چشم زمزم
سن آغلورسان آخور اشکیم دمادم
اگر من آغلاسام آغلار رقیم
یانار قلب جهان الله ایونده
مناده حاجی لر قربان کسلر
منیم قربانیمی عطشان کسلر
اوگون کی باشیمی دالدان کسلر
چخار عرشه فغان الله ایونده
«کلامی»ایله اعلان بیلسون امت
نجه قان توکدی وهابی جماعت
ریاضین حاکمی ایتدی خیانت
اوگون وقت اذان الله ایونده
شاعر استاد ولی الله کلامی
ثبت دیدگاه