ای پرپر اولان گوللر گلزاروزه قربانم

دسته: اشعار
شنبه - ۲۳ تیر ۱۳۹۷

ای پرپر اولان گوللر گلزاروزه قربانم

جاندان گچن عاشقلر ایثاروزه قربانم

 

عشقین عملیاتی قالماز نجه خاطرده                بیر عده قالوب مفقود الاندا جزایرده

ممکن آخان قانلار یاددان چیخا ظاهرده          باطن گوزی حیراندی اول قانلی مناظرده

 

گون تک الیون جلوه انواروزه قربانم

 

ای دل گوزون آچ یاتما دینون هوسه ساتما            بو قانلارا اول حامی چوخ معصیته باتما

ایمانیوی حفظ ایله نیرانه ئوزون آتما                     وللهی شهید ئولمز منکر منی آلاتما

 

ای حقی دیین دیللر اخطاروزه قربانم

 

حقدن که دو ووردی غمدن دیللی دینجلدی          باش آیریلیقا قوشما غم شرحی مفصلدی

هجران اوخی بیر مدت عشاق ئورگین دلدی         بعضی ایتن عاشقلر بعد از اون اوج ایل گلدی

 

ای گنج تاپیلان گللر اسراروزه قربانم

 

هر کس شهدا حقین انکار ائه خائندی               چون بو توکلن قانلار آزادلیقا ضامندی

عاشقلر آدی نقش ایوان مدائندی                    هر یرده گورر حقی هر گوز که خدابیندی

 

ای اهل خرد چشم بیداروزه قربانم

 

ای امت رزمنده احرار برازنده                          قویماگل آمالی گلچین دره گلشنده

خوش ساخلا گرک قاسون اللرده بو پرونده        دوشسه شرف ارزشدن قالماز وطن ایمنده

 

ای جامعه دیندار پنداروزه قربانم

 

اسلامه معین اولماق تنها سوزولن اولماز             بیزدن عمل ایستوللر حفظ اولسا چمن سولماز

قورخما حرم جانان نامحرمیلن دولماز                گر بیزده خلوص اولسا حق رحمتی قورتولماز

 

اللهه ائدون سجده اذکاروزه قربانم

 

بو عالم عشق ای دل بیر قورخولی عالمدی         کیم قان سورانامحرم کیم قان وئره محرمدی

هر گون بیزه عاشورا هر ماه محرمدی               خلقی گتورن شوره بیر قرمزی پرچمدی

 

باخ گنبد دلداره دلداروزه قربانم

 

راوی:استاد ولی اله کلامی

 


پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس