ای شرفلی انسانلار

دسته: اشعار
جمعه - ۵ مرداد ۱۳۹۷

ای  شرفلی انسانلار   

بیشه ده اصلانلارا

قطعه قطعه قربانلار

آیه آیه قرآنلار

 

باغلادوز نه پیمانلار

بوینموزدا حقوز وار

 

دینی آتسا کیم آتسین

اجنبی ئوزون ساتسین

مرد اودور اویاخ یاتسین

قویماروخ قانوز باتسین

 

سس ملکلره چاتسین

بوینموزدا حقوز وار

 

منطق اوسته دم وردوز

حق دیوب قدم وردوز

نقشه لر به هم وردوز

جبهه ده خیم وردوز

 

قرمزی علم وردوز

بوینموزدا حقوز وار

 

محکم اعتقادوز وار

مدرک جهادوز وار

مه گوزل مرادوز وار

ئولکه میز آدوز وار

 

خاطریمده یادوز وار

بوینموزدا حقوز وار

 

درده ایلدوز چاره

چاتدوز عشقیله یاره

سینه یاره باش یاره

مرحبا بو ایثاره

 

همت سزاواره

بوینموزدا حقوز وار

 

باغلادوز کمر محکم

قدسه ورماقا پرچم

ایتدی فتنه نامحرم

دوشدی حیرته عالم

 

سسلیدی بنی آدم

بوینموزدا حقوز وار

 

شوکتوز مدام اولسون

دولتوز کرام اولسون

جاودان قیام اولسون

روحوزه سلام اولسون

 

ذکر خاص و عام اولسون

بوینموزدا حقوز وار

 

چولده سگیز ایل قالدوز

بوینوزا کفن سالدوز

قوش کیمی قناد چالدوز

جان ویروب جهان آلدوز

عمرجاودان آلدوز

 

بوینموزدا حقوز وار

حق سیزه دلیل اولدی

 

حافظور جلیل اولدی

چهره لر جمیل اولدی

جلوه بی بدیل اولدی

دشمنوز ذلیل اولدی

بوینموزدا حقوز وار

 

پرچم آچدی روح الله

خالصا لِوَجهِ لله

 

هجرت ایلدوز لِله

جمله فی سبیل لِله

یا جیوش حزب الله

بوینموزدا حقوز وار

 

شاعر:استاد ولی الله کلامی

 


پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس