اولسون سلام شهد شهادته ایچنلره

دسته: اشعار
سه شنبه - ۲۸ فروردین ۱۳۹۷

اولسون سلام صحنه ده محکم دورانلارا

اولسون سلام جبهه ده خیمه قورانلارا

اولسون سلام دجلیه قانی آخانلارا

قانی گوزیله کرب وبلایه باخانلارا

اولسون سلام ذوقیله مدهوش اولانلارا

میدان امتحاندا کفن پوش اولانلارا

اولسون سلام نور ولانی گورنلره

حمله گونی امام زمانی گورنلره

اولسون سلام لشکر الله اکبره

یاران فاتح عملیات خیبره

اولسون سلام شهد شهادته ایچنلره

جانان یولوندا باشیله جاندان گئچنلره

اولسون سلام پرپر اولان یاسمنلره

مجنون جزایرینده کفنسیز بدنلره

اولسون سلام لایه سیاقی سولانلارا

آخشان نسیم اسنده بولوط تک دولانلارا

اولسون سلام عششقیده ثابت قدملره

رزمنده لر الینده او قرمز علملره

اولسون سلام پرچم قرآن آچانلارا

آق پرچمین دالیجا پیاده قاچانلارا

اولسون سلام ایسته دیگین آختارانلارا

غرب و جنوبیده دولانان کاروانلارا

اولسون سلام بار سفر باغلیانلارا

حملات آخرینه کمر باغلیانلارا

اولسون سلام رهبر الینده ائوپنلره

بیت المقدسین یولونا فان سپنلره

اولسون سلام پاک عقیده جوانلارا

یوز گوزلرین او دجله سویوندا یووانلارا

اولسون سلام قرب وصال چاتانلارا

قانی لباسین قوری یرده یاتانلارا

اولسون سلام ایندی قانا قان ایدنلره

دربار کفری خاکیله یکسان ایدنلره

اولسون سلام گویلره غرش سالانلارا

سیمرغ خشمگین کیمی شهپر چالانلارا

اولسون سلام قامت کفری بوکنلره

کرار دشمنین باشینابمب توکنلره

اولسون سلام عراقیده محبوس اولانلارا

موسی بن جعفر عشقینه مانوس اولانلارا

اولسون سلام باشلارا قرآن آلانلارا

امید فتحیله گوزی یولدا قالانلارا

اولسون سلام نائل مقصود اولانلارا

اعضاسی کیمیا کیمی مفقود اولانلارا

بیزدن سلام اولا شهدانین آقاسینه

زواری چوللری دولانان کربلاسینه

سال ۱۳۶۳

 

 

 

 

 


پرینت اشتراک گذاری در فیسبوک اشتراک گذاری در توییتر اشتراک گذاری در گوگل پلاس